لا تحــــــــــــــــاسبنى ولا أحــــــــــــاسبك

لا تحاسبنى ولا أحاسبك


لا تحاسبنى ولا أحاسبك
ع اللى فات يا حبيبى
اللى فات م العمر مات
واندفن فى الذكريات
واللى باقى منه يادوب
يخلينى باقى على حبك
لا تحاسبنى ولا أحاسبك
ما دام إبتدينا ونسينا اللى فات
ما دام إبتدينا والجراح أهو مات
والفرح هل علينا وقلبى جنب قلبك
لا تحاسبنى ولا أحاسبك
ما دُمت ليا م اللحظة ديه
والعيون أهيه بادلت نظرات
والدنيا أهيه بتسلم عليا
وبدأت معانا بترحيبات
لا تحاسبنى ولا أحاسبك
على اللى فات يا حبيبى
هيه حياه بنغلط فيها
ونعد غلطنا نلاقيه ماليها
إن كنت إنت أو أنا
ما حدش خالى م الغلطات
لا تحاسبنى ولا أحاسبك
على اللى فات يا حبيبى

أمــــير الواقعيـــــه
حمـــاده زيــدان

&&&&&&&&&&&&&&&&&&&

إزاى يـــــا قلــــــبى

إزاى يــــــــــــا قــــلبـى


إزاى ياقلبى تحب صوره
تحب واحده شايفها صوره
إزاى ياقلبى
تحب صوره إزاى يا قلبى
....................................
صورتها ملاك وأجمل ملاك
مش دى الحكايه
.................................
إزاى هواك يعشق
ملاك من غير بدايه
إزاى ياقلبى
تحب صوره إزاى يا قلبى
............................
سنين طويله فضلت مستنى
وأخرتها يا قلبى بصوره متهنى
أمال لو حقيقه مش بس صوره
إزاى ياقلبى
تحب صوره إزاى ياقلبى
..............................
صورتها قدامك وجاتلك كده
حظك يا قلبى نصيبك كده
مش يمكن تكون أميرة الكون
أميرتك ياقلبى وبدأت بصوره
إزاى يا قلبى
تحب صوره إزاى ياقلبى


أمــــــــــير الواقعيــــــــــــه
&&&&&&&&&&&&&&&&&&&&&
*************************

بــــــــــاع الجمـــــــــــل

بـــــــــاع الجمــــــل

باع الجمل بما حمل
باع الأمانه بلا خجل
.............................
على إيه نعكر دمنا
ونبات نشد فى شعرنا
طيب دا إحنا نحمد ربنا
إن إحنا لسه فاضل لنا
شىء لا يباع إسمه الأمل
...............................
بس السؤال اللى إتسأل
بدون حرج وبدون زعل
بعته بكام وصرفت كام
وكام فضل
.............................
مصيبه تكون بعته بالأجل
جاوب من غير إنفعال
قول إنك مش بتاع
نصب ودجل
وإنك بتاع شغل وعمل
..................................
إيه يعنى كام مليون جنيه
همه النهارده يجيبوا إيه
بص يابيه وفتح عينيك
دا شىء بسيط مبروك عليك
بيع الجمل
مبروك عليك
بيع الجمل
................................
****************

أمـيــــر الواقعيــــــــــــه

قلبى أنـــــــــــا

 

علمينى إزاى أخون
دا الخيانه بألف لون
شافها معايا قلبى يوم
قلبى أنا

علميلى قلبى يقسى
وإن تعب يرجع وينسى
إنه حب يبعنى يوم
يبعنى أنا

إيه يادنيا حكايتك إيه
عامله إيه والحاله إيه
واللى خان قلبى ليه
لساه عمال بيخون

دامعه نازله فى عز الخريف
ضحكه طالعه فى حر صيف
صيف خريف خريف صيف
مش مهم لو حتى طيف
المهم أتعلم وأكون
علمينى إزاى أخون

ولاّ أقولك يا دنيا لا لا
الخيانه مش فى طبعى
ولا الشر دا كان طبعى
واللى يخون يا دنيا يخون

كله عندى أصبح يهون
إلا قلبى يفضل قلبى
قلبى أنــــــــــــــا
بطبعى أنـــــــــــا


&&&&&&&&&&&&&&&&&&&
**********************