السبت، 16 أكتوبر 2010
إزاى يـــــا قلــــــبى
إزاى يــــــــــــا قــــلبـى
إزاى ياقلبى تحب صوره
تحب واحده شايفها صوره
إزاى ياقلبى
تحب صوره إزاى يا قلبى
....................................
صورتها ملاك وأجمل ملاك
مش دى الحكايه
.................................
إزاى هواك يعشق
ملاك من غير بدايه
إزاى ياقلبى
تحب صوره إزاى يا قلبى
............................
سنين طويله فضلت مستنى
وأخرتها يا قلبى بصوره متهنى
أمال لو حقيقه مش بس صوره
إزاى ياقلبى
تحب صوره إزاى ياقلبى
..............................
صورتها قدامك وجاتلك كده
حظك يا قلبى نصيبك كده
مش يمكن تكون أميرة الكون
أميرتك ياقلبى وبدأت بصوره
إزاى يا قلبى
تحب صوره إزاى ياقلبى
أمــــــــــير الواقعيــــــــــــه
&&&&&&&&&&&&&&&&&&&&&
*************************
بــــــــــاع الجمـــــــــــل
بـــــــــاع الجمــــــل
باع الجمل بما حمل
باع الأمانه بلا خجل
.............................
على إيه نعكر دمنا
ونبات نشد فى شعرنا
طيب دا إحنا نحمد ربنا
إن إحنا لسه فاضل لنا
شىء لا يباع إسمه الأمل
...............................
بس السؤال اللى إتسأل
بدون حرج وبدون زعل
بعته بكام وصرفت كام
وكام فضل
.............................
مصيبه تكون بعته بالأجل
جاوب من غير إنفعال
قول إنك مش بتاع
نصب ودجل
وإنك بتاع شغل وعمل
..................................
إيه يعنى كام مليون جنيه
همه النهارده يجيبوا إيه
بص يابيه وفتح عينيك
دا شىء بسيط مبروك عليك
بيع الجمل
مبروك عليك
بيع الجمل
................................
****************
أمـيــــر الواقعيــــــــــــه
قلبى أنـــــــــــا
علمينى إزاى أخون
دا الخيانه بألف لون
شافها معايا قلبى يوم
قلبى أنا
علميلى قلبى يقسى
وإن تعب يرجع وينسى
إنه حب يبعنى يوم
يبعنى أنا
إيه يادنيا حكايتك إيه
عامله إيه والحاله إيه
واللى خان قلبى ليه
لساه عمال بيخون
دامعه نازله فى عز الخريف
ضحكه طالعه فى حر صيف
صيف خريف خريف صيف
مش مهم لو حتى طيف
المهم أتعلم وأكون
علمينى إزاى أخون
ولاّ أقولك يا دنيا لا لا
الخيانه مش فى طبعى
ولا الشر دا كان طبعى
واللى يخون يا دنيا يخون
كله عندى أصبح يهون
إلا قلبى يفضل قلبى
قلبى أنــــــــــــــا
بطبعى أنـــــــــــا
&&&&&&&&&&&&&&&&&&&
**********************
الخميس، 30 سبتمبر 2010
بالســـــــــــــــــــلامه
كان نفسى أكون ليكى
كان نفسى أفضل شاريكى
لكن بعــــــــــادى عنك
ياحبيبتى كــــــان بإيديكى
كان نفسى بـــإبتسامه
الفرح يبقى عـــــــــلامه
ميبقاش فيه مــــــلاما
وقلبى مـــــا يهون عليكى
كان نفسى تقربى ليا
وفى حضنى تفضلى شويه
تحسى بـــاللى بحسه
تـــاخدينى بين إيـــــديكى
لكـــــــــن الغدر منك
بتقولـــــى غصب عنك
بعد عمر فضلنا فيه
تحبى فيا وأحب فيكى
بالســـــــــــــــــــلامه
بالســــــــــــــــــــلامه
بالسلامه بقولها ليكى
بكره تبكى وتفيض عينيكى
بكره تندمى على حب
ضيعتـــــــــــيه بـإيديكى
بالســـــــــــــــــــــلامه
بالســــــــــــــــــــلامه
بالسلامه ييجى غيرك
عندى طير يتمنى طيرك
إوعى تغرقى فى بيرك
اللــــــى حفرتيه بإيديكى
بالســـــــــــــــــــــلامه
بالسلامه ييجى غيرك
....................................
إليكى كل هذا الحب
إليكى كل هذا الحب
أحببتك يا سمائى أحببتك فبقدر النجوم أحبينى
أحببتك يا أرضى أحببتك فبقدر ما عليكى أحبينى
أحببتك يا شمسى أحببتك فبقدر الشروق أحبينى
أحببتك يا قمرى أحببتك فبقدر ضيائك أحبينى
أحببتك يا بحرى أحببتك فبقدر الماء أحبينى
أحببتك يا هوائى أحببتك فبقدر التنفس أحبينى
أحببتك يا عينى أحببتك فبقدر النظر أحبينى
أحببتك يا قلبى أحببتك فبقدر الحب أحبينى
أحببتك لأنك نبضى ودمى فى شرايينى
أحببتك يا أمى أحببتك ولغيرك ما يكون حنينى
أمير الواقعيه
حماده زيدان
الاشتراك في:
الرسائل (Atom)