علمينى إزاى أخون
دا الخيانه بألف لون
شافها معايا قلبى يوم
قلبى أنا
علميلى قلبى يقسى
وإن تعب يرجع وينسى
إنه حب يبعنى يوم
يبعنى أنا
إيه يادنيا حكايتك إيه
عامله إيه والحاله إيه
واللى خان قلبى ليه
لساه عمال بيخون
دامعه نازله فى عز الخريف
ضحكه طالعه فى حر صيف
صيف خريف خريف صيف
مش مهم لو حتى طيف
المهم أتعلم وأكون
علمينى إزاى أخون
ولاّ أقولك يا دنيا لا لا
الخيانه مش فى طبعى
ولا الشر دا كان طبعى
واللى يخون يا دنيا يخون
كله عندى أصبح يهون
إلا قلبى يفضل قلبى
قلبى أنــــــــــــــا
بطبعى أنـــــــــــا
&&&&&&&&&&&&&&&&&&&
**********************
ليست هناك تعليقات:
إرسال تعليق