إتبـــــــــاعت القضيه
إتبـــــــــاعت القضيه
وبقينا إحنــــا الضحيه
القاضى بــاع ضميره
ونسى رب الــــــوصيه
وإتباعت القضيه
القاضى كان بــــــإيده
يرفع شعــــــــار وليده
العـدل جـنـب الحـق
عايشين فى الدنيا ديه
وإتباعت القضيه
قــــــــــال القاضى حكمه
واللى مش عاجبه حكمه
يشرب من النيل من البحر
أو يدعى زى الوليــــــه
وإتباعت القضيه
فوضى عايشين فيها
الكبير صاحب معاليها
والصغير جه تحتيها
وإحنا مالناش ديه
وإتباعت القضيه
حاطونا فى خانه سد
لجل مانشوفشى حد
ولا نعرف أى حــــــد
دوامــه عليك وعليا
وإتباعت القضيه
فى الزحمه تشوف كوارث
وكارثه بعديها وارث
وشـوف فيها كام موارث
لعبه لا ليك ولا ليــا
وإتباعت القضيه
عايز تعرف الحقيقه
بص حواليك للديقه
وعِـــد كـــــام رديئه
بتصرخ منها فيــــا
وإتباعت القضيه
قضيـــــه ورى قضيــــــه
ناس قلوبهم مغليه
ونـــاس مليانه ع الفاضى
بتنهش فيك وفيـــا
وإتباعت القضيه
إصحــــــــــــوا يانعسانين
يا غــــلابه يا طيبين
يــــا كتير بالمــــــــــلايين
حقوقكم بتضيع أهيه
إتبـــــــــاعت القضيه
***********************
&&&&&&&&&&&&&&
ليست هناك تعليقات:
إرسال تعليق